مصر… قوة لا تُقاس بالعدد فقط
مصر… قوة لا تُقاس بالعدد فقط
كتب/ حسام صلاح
الأحداث الأخيرة وتهديد إسرائيل إلي أحتلال غزة بتأكد إن المنطقة كلها محتاجة تكون في حالة استعداد دائم.
ومصر، طول عمرها، مش بس معروفة بجيشها القوي، لكن بشعبها اللي كله جندي وقت الجد… شبابها، رجالتها، وحتى شركات الأمن الخاصة.
شركات الأمن في مصر النهارده مش مجرد كيانات بتأمّن منشآت أو فعاليات… لكنها قوة بشرية منظمة، مدربة، وعندها خبرة كبيرة في الحماية والرصد والتعامل مع المواقف الحرجة.
عدد العاملين في مجال الأمن الخاص كبير جدًا، ولو اتوظّف بالشكل الصحيح وقت الأزمات، هيكون دعم استراتيجي لأي خطة دفاع أو حماية داخلية.
وعند اللحظة اللي الوطن ينادي فيها… مش هتلاقي فرق بين جندي على الجبهة، وضابط بيأمّن، ورجل أمن بيقف في موقعه… كلنا يد واحدة.
الأمن مش وظيفة، الأمن شرف ومسؤولية… ومصر لما تحارب، بتحارب بجيشها، وشرطتها، وشعبها، ورجال أمنها اللي واقفين في الصفوف الأمامية.
تحياتي،
كابتن محمد برنس
خبير أمني في مجال شركات الأمن الخاص
